شوفوا .....أبن بلدنا بيقول علينا ايه !!!

جلست الفتاة - الأيرانية الأصل و هى أيضا مسلمة - أمام سفير مصر فى الدنمارك

كانت تريد أن تزور مصر لعمل ريبورت على الجمعيات الخيرية و تقديم المساعدات لهم

قالت ان الجامعة تريد منها عمل هذا التقرير و انها علمت من الشات فريند بتاعها بوجود هده الجمعيات فى مصر.

هل تعلمون ماذا قال لها السفير؟؟!!!

قالها مالكيش دعوة بالمصريين الشباب , دول عالم ايديهم باطله و مش لاقيين شغل

و بيضحكوا على البنات عشان يسافروا و ياخدوا التأشيرات , دول عالم كدابين

- هو السفير المفروض انه مصرى -

و لما قالتله ده هو غنى و مش محتاج

قالها ده بيكدب عليكى.

أصيلة يا مصر , لما سفير مصر اللى هو واجهتنا فى الدول يقول كده على ولاد بلده

يبقى متهايألى عندهم حق الغرب يشتموا فينا و يلعنوا فينا للصبح

على فكرة , دى قصة حقيقية

!!!!!!!

Real Islam !!!!!!!!

? ? ? ! ! !

فى أمل فى التغيير

أخيرا هناك بصيص أمل فى التغيير

مما لاشك فيه أن دور الصحافة قوى جدا و مؤثر فى السلطة

رئيس الجمهورية و الصحافة هم أعلى سلطتين فى البلد و اكبر سلطتين

قعدنا نهتف فى اننا عايزين تغيير و الحمد لله

سمير رجب و ابراهيم نافع و امثالهم انكشحوا من وشنا

و النفاق اتشال من كل صبح نتصبح بيه فى الجرايد

و الكبسولات أخيرا اتلغت

بس الخوف لينزلوها حقن

و خايف و يمكن واثق بنسبة 70 فى المائة

ان التغيير فى قيادات الصحافة هو تغيير للضحك فقط على الشعب

...........

المطحون

بس اهه تغيير و السلا و يمكن فعلا يبقى أمل و مايكنش

على رأى هانى رمزى فى مسرحية "وجهة نظر"

مافيـــــــش فايــدة

حقوق الإنســـــــــان و حواديتها

رجعت من الكلية فى يوم , أو بمعنى أخر من الدروس اللى كنت واخدها عشان الكلية
عندنا 7 مواد كلهم العن من بعض
بنحارب فيهم و فى الأخر النتيجة على مزاج الدكتور
المهم , مش ده موضوعنا , موضوعنا انى لما رجعت البيت أبص ألاقى

كتــاب غريـــــــــب جدااااااااااااااا

و على مكتبى
مسكته و انا خايف ليكون الناس إخونا البعده بتوع أمن دولتنا الموقرة بيجربونى
و بيختبرونى هتصرف إزاى قصاد الكتاب ده

ناديت على أخويا اللى معايا برده فى نفس الكلية
بقوله ايه ده يا بنى جيبته منين و لا بتاع مين؟؟؟
قالى ده ... ده كتاب

حقوق الإنسان يا بنى , انت مش بتعرف تقرا؟؟

قولتله بيعمل ايه هنا و جاى تبع مين
لاقيته بيقولى شئ أغرب , ده متوزع فى الكلية و بقت مادة جديدة علينا

أوففففففففففففففففف مادة تامنة يعنى , احنا نقصين

طيب فيت بقى حقوق الانسان و احنا بقينا متزغطين بالمواد و طلعان عنينه و عين أهلينا

قلت أقراه عشان الإمتحان بتاعه , لاقيت انها مادة تقريبا علمية أو بالأخص تبع قسم الخيال العلمى

ايه ده هم ضافوا قسم جديد فى كلية الهندسة قسم خيال علمى

المهم لاقيت الاتى من حقوقنا

1- الحق فى تقرير المصير و الإستقلال
2- الحق فى المساواة مع الشعوب الأخرى
3- الحق فى الدفاع الشرعى
4- الحق فى المقاومة للإحتلال الأجنبى و السيطرة الأجنبية و الاستعمار بكل صوره
5- الحق فى السلام و فى الأمن و فى التنمية و مكافحة الفقر
6- الحق فى السيادة الدائمة على موارد التروة الدائمة و على جميع الأنشطة الإقتصادية التى تجرى و تحدث فى اقليمنا
7- و شوية حاجات تانية عادية كده

متهايألى ان مافيش حاجة من دول اتحققت خالص

و الغريبة انى تانى يوم بحكى لأصحابى لاقيت انه نازل للكليات كلها

تقريبا على رأى د./نظيف , انه اعطانا الكتاب ده عشان " ننضج سياسيا " أو يمكن برده نضع كعادة العرب نظرية المؤامرة فى ان أمريكا اللى موزعاه علينا

تذكرة المترو النهاردة بــ 50 قرش

و انا رايح الكليه النهاردة امتحن

و بقطع تذكرة المترو
ابص افاجئ انها ب 50 قرش

بدل 75 قرش

استغربت , لأن مش لاقى مناسبة

و لا عيد ميلاد الريس و لا حرمه و لا و لاده

و لا حتى طهور حد منهم

قعدت افكر دقيقتين و انا دماغى محشيه بالمنهج الدراسى

وجدت شئ غريب جداااااا

ان النهاردة

يوم الأحد

موافق

5 يونيــــــة

!!!!!!!!!!!!!!!!!!!

بلادنا محتلة

متهايألى مكانش رئيسنا الحبيب حسنى مبارك يتوقع ان يصل شعبنا فى يوم من الايام لهذا الحد من النضوج السياسى

ثانيا ان يتم هتك اعراضنا فى الشارع و على نظر العالم كله

ماذا الان سيقول العالم علينا و ماذا ستقول اسرائيل , اذا كان بلدنا بتعمل كده فى ولادها , يبقى الغريب بقى يعمل ايه

متهايالى كده من حق اسرائيل انها تعمل اكتر من اللى بتعمله

و متهايالى برده ان ساعت ما كان الانجليز هنا , مكانش ده بيحصل

هيجى اليوم و نثور ثورة رجل واحد و ترجه مصر بلدنا من جديد

لأنى اكتشف انها لسه ما تحررتش

بل وقعت فريسة لرجال من ولاده للأسف

و للحديث بقية ....